أهالي أبودياب غرب : الأجرة بـ5جنيه .. هنجيب من فين؟
كتبت: سمر سليمان
” إحنا هنعمل ايه و محدش حاسس بينا ” هكذا بدأ أهالي قرية أبو دياب غرب الحديث عن معاناتهم في المواصلات .
استياء الأهالي من مواصلات الكبود والمعاناة التي يعانيها كل الأهالي في المواصلات وخاصة مواصلات العزب
وأبودياب والنجوع المجاورة .
يقول شريف محمد عامل أجري من ابودياب غرب ” أننا بنعاني في المواصلات والسواق بيحمل أكتر من الحموله بتاعته ويركب الناس على بعضها ولو ملك يركب فوق سطح الكبود يعملها” .
وأضافت أم يوسف – ربه منزل – أنه لا يوجد عربيات لأبودياب غرب وعربيات العزب هي اللي بتحمل وبتستغلنا في المواصلات , وإحنا مضطرين نركب ونستحمل إستغلال السواق والأجره بـ 5حنيهات من دشنا لـ أبو دياب غرب , أولادنا هنجيبلهم من فين عشان يدفعوا المواصلات.
وأشار أحمد حمدي طالب أنا كل يوم بدفع خمسه جنيه رايح وجاي وعربيات أبو دياب ضعيفة , والسواقين بتوع العزب على الرغم أنه في خط سريع وسليم لنا إلا أنهم يسيرون في الأماكن الفرعية والمكسره , ليركبوا أهالي على سلم السيارة.
ولفتت سيده أحمد – ربه منزل – أنهم مضطرين يركبوا ويدفعوا 5جنيه للسواق ويتحملوا الاجره الزائدة علشان يوصلوا بيوتهم , وتطالب المسؤولين بالنظر إليهم ومراقبة تسعيرة السيارات الكبود.
