وزير التربية والتعليم يشكر معلم بدشنا على صفحته الرسمية على “فيس بوك”

متابعة: عبد الرحمن الصافي

وجه الدكتور طارق شوقي، وزير التربية والتعليم، شكره لمعلم بمركز دشنا، شمالي قنا، عبر صفحته الرسمية على موقع التواصل الاجتماعي فيس بوك،  لما قدمه المعلم من نصائح لطلاب الثانوية العامة بشأن نظام الامتحان الحديث.

وقال وزير التربية والتعليم، قرأت ما كتبه الأستاذ الفاضل “محمد جاد” (معلم أول حاسب آلي بمدرسة دشنا الثانوية ومسئول IT وإحصاء و مدير مكتبة يحيي دشنا) وسعدت لدقة وعمق نصائحه وقررت أن أشارككم إياها.

وجاء فيما كتبه للمعلم من نصائح لطلاب الثانوية العامة: “أبنائي وطلاب وطالبات الثانوية العامة في كلام كده من القلب عايز أقوله ليكم ومعلش ممكن يكون كتير شوية بس ما هو طالع من القلب وملهوش علاقة بأني اتفق او لا اتفق مع المنظومة الجديدة للتعليم (نظام التابلت)”.

وتابع المعلم: “إن الغرض الأساسي للمنظومة الجديدة هو قياس نواتج التعلم يعني بالبلدي افهم المعلومة صح وايه أهميتها وازاي اطبقها ومنسهاش مش زي الفترة اللي فاتت اللي يحفظ كويس يجيب مجموع واللي مش عارف يحفظ كويس بينسي حاجات وطبعا المجموع بيقل وفي الاخر ادخل كلية مش عايزها واهو حاجة والسلام ما هو الواحد قرف وتعب والسبب ان كلنا عايزين ندخل علمي علشان ازاي ابقي ادبي فلان دخل علمي هو احسن مني في ايه ومين قال لمعاليك ان الادبي وحش كل واحد فينا ليه قدرات و ذكاء يختلف من فرد للثاني ودي أول غلطة بتغلطها شوف انتا نفسك في ايه ومتخليش حد يرسملك طريقك ارسمه بنفسك واجتهد وباذن الله ها توصل لحلمك بس انتا اعرف نفسك صح وذاتك صح وحط هدفك قدام عنيك”.

وأضاف ابن دشنا: “طيب بالنسبة بقي للدوشة والخوف من نظام الامتحان وشكل الأسئلة وهل هو تابلت ولا ورقي وناس عايزة ورقي وناس عايزة تابلت وناس مبقتش فارقة معاها اهو اتعقد وخلاص”.

واستطرد: “احب اقولك مش مهم ها تمتحن ازاي اوهاتجاوب ازاي الأهم انتا استعديت لشكل الأسئلة الجديدة كويس ودي الحاجة الوحيدة اللي حاليا معروفة ولكن مش عايزين تشوفها او حتي تقربوا منها -انتا عايز السوال تكون ليه اجابه محددة مش مهم ازاي افكر – ولكن خلاص قضي الامر ياريت بقي تحاولوا تشوفوا نمط الأسئلة دي وتتدربوا عليها لازم تجتهدوا”.

ولفت إلى أنه: “في طلاب كتير فرحت ان الامتحان اوبن بوك طيب يعني انتا عايز ايه من الكتاب لما ها تدخل بيه القليل للأسف فاهم ان معني الكتاب معاك يعني انك عارف كويس كل معلومة ممكن ترجعلها عارف مكانها فين وطبعا اكيد السؤال مش ها يكون مباشر ولكن الواقع اللي شايفه وعايشين فيه ان الطلاب عايزة الكتاب علشان تكتب ملاحظات فيه زي ما الوزير ما قال وهنا اسالك الملاحظات دي ها تكون فعلا معلومات بحثت عنها من المصادر المختلفة وحابب تكتبها ام أسئلة من ملخصات تتوقع انها تيجي في الامتحان كما يحدث او انك ها تصور ملزمة ليلة الامتحان او أجزاء من الملخصات وتحشرها وسط الورق المصور بتاع الكتاب ده كله تشتيت ليك وها يضيع وقت الامتحان”.

ونصح المعلم الطلاب قائلا: “ارجو منكم ان تفوقوا وتجتهدوا وبإذن الله خير ولكل مجتهد نصيب وكل واحد فينا مقسوم له ها يدخل ايه كل اللي عليك اجتهد وذاكر والكلية والمستقبل بيد الله وحده”.

وتابع: “طبعا كلامي مش ها يعجب ناس كتير ولكن دي الحقيقة للاسف وكمان السنتين اللي فاتو تم اكتشاف أخطاء في انظمه الامتحانات الالكترونية سواء عند استخدام الشبكات قي المدرسة او الشريحة او البيت او التابلت نفسه لوجود مشاكل في بيت الخط او بيهنج او أسباب ترجع للطالب من محاولات لتهكير التابلت مما يوثر علي التابلت والحمد لله تم حل معظمها وظهر ذلك في امتحان مايو ان بعض الطلاب يتعمد الخروج من الامتحان او الدخول بكلمة سر الامتحانات السابقة بالرغم من التوجيهات دائما لكيفية الحصول علي كلمة السر الخاصة بك لإنها سرية ولا يجوز ان يعرفها احد سوي الطالب والامتحان القادم في شهر يونيو وسوف يعلن سيادة الوزير عن الجدول اليوم او غدا الخميس باذن الله وكل ما يتعلق بنظام الامتحان وكل الملاحظات والتساؤلات التي وصلت لمعاليه وخصوصا ان المشكلات كانت فردية وليست جماعية بالإضافة الي انه جاري العمل علي تشغيل الشبكة الخاصة بمدرسة دشنا الثانوية وطبعا المفروض الطالب يتعامل بنفسه مع أي مشكلات سواء توجد جلسة بالفعل او خطا في اسم المستخدم وكلمة المرور و كيفية الحصول علي كلمة السر والاحتفاظ بها وبفرض ان الامتحان اتحول الي ورقي بردوا مفيش مشكلة لان التابلت هو وسيلة لأداء الامتحان وهو وسيلة للتعلم من المصادر الرسمية التي تحددها الوزارة يعني ها تمتحن ها تمتحن بالنظام الجديد مفيش رجوع”.

واختتم: “باذن الله فترة وها تعدي و يارب الدفعات اللي بعديكوا يكون حظها أحسن ويتم حل تلك المشاكل والمعوقات ولازم العلاج ياخد وقت.