كتبت سمر سليمان
سفرة رمضان لاتخلو من الأصناف المختلفة لاسيما مع عدد ساعات طويلة من الصيام والأهالي يقبلون على الأكلات الشعبية الشهية التي يعشقها الكثيرون من الكبار والصغار ، لذلك يقدم لكم “الشارع القنائي “
طريقة عمل “ الحمام المحشى فريك “ بطريقة سهلة وبسيطة.
المقادير:
حمام .
فريك .
بصلة .
طماطم.
بهارات.
طريقة التحضير:
اولا. عدد مناسب من الحمام لأفراد الأسرة وننضفه كويس.
وأهم حاجه أن يكون بين الجلد واللحم مفصولين يعنى المكان اللى هانحط فيه الحشو وننقعه فى ماء وملح وخل عشان يبقى نظيف ومفيهوش أى ريحة
ثانيا. الحشو:_
هانجيب الكبد والقوانص بتوع الحمام ونقطعهم قطع صغيره
ونقوم بفرم البصل ونشوحه فى السمن البلدى وشويه زيت ذره.
أهم حاجة عشان يبقى الطعم والريحة مظبوطين وبعد كده نضيف الكبد والقوانص.
نأتي للمهم البهارات، هانحط ملح وفلفل أسمر وكمون وبهارات وجوز الطيب.
وأهم حاجه جوز الطيب ونسيبهم شويه يتشوحوا مع بعض.
وبعد كده هانضيف الفريك ونقلبهم كويس ونضيف شوية مياه.
ملحوظة : الفريك يتنقع لمدة نص ساعه قبلها
وبعد كده هانبدا حشو الحمام وخلى بالك علشان جلده ضعيف ممكن يتفتح منك ثم نحشية ونقفلة كويس من رجلية او نلفه بسيلفر.
وفى حلة على النار بها معلقة سمنة ومستكة وحبهان نحطه لحد ما يستوى.
نطلعه ونرصه في صينية وندخل الفرن لمدة 5 دقايق وندهن بشوية صلصة طماطم خفيفة وقدمية وبألف هنا.
