استغاثة القراء : طريق الموت يصطاد ضحاياه والحكومة تساعده

الشارع القنائي

إستقبل بريد الشارع القنائي، رسالة من صديق للمنصة، تحوي الكثير من الالم والحيرة، ويبدوا أنه مل الحديث عن مشكلته ولم يعرف بابا لوصول شكواه لإبلاغ المسئولين عنها غير منصتنا، وضاقت نفسه بها ذرعاً،

وإليكم نص الشكوى كما وردت بلا زيادة أو نقصان

“انا مش عارفه انتم جريده خاصه ولا حكومي ولا ايه بالضبط، المفروض توعوا الناس، وتحذروا الناس من خطر الموت؛ اللي بيموت كل يوم شاب او اتنين, في منطقه الطلمبات, في نجع حمادي، دا مكان الموت وكأن الجن بيصطاد ضحايا جديده كل يوم، ليه متعملوش تحقيق صحفي عن ده المكان، والحكومه تتصرف في الاخطاء الموجوده في المنطقه دي، من ضلمه وأسياخ حديد، أخويا في غيبوبه؛ لما دخل في الاسياخ دي والحيطه كمان، ناشدوا الحكومه تعمل إناره أو حتي تشيل الاسياخ الحديد دي، إللي بتموت كل يوم حد، دا تحقيق يستاهل مجهود منكم مش التغافل”

وبما سبق تنتهى شكوى المواطن الملكوم بما حدث لأخيه، في حادث مروري بذات المنطقة، ويبدوا أن المشكلة بها خطأ لعنصر بشري متسبب في تلك الحوادث، ولا يتم حلها، بما ينبي و ينذر بوقوع حوادث مماثلة تسفر عن ضحايا آخرين.

ونقدم للمسئولين الشكوى علها تجد طريقا للوصول لأصحاب القرار بمركز نجع حمادي، أو دواوين مديريات محافظة قنا لحلها.