نعى زميله وتوفي بعده بشهر.. أبرز ما نشر الدكتور علي سيد طبيب العظام بـ”طب قنا”

كتب: عبد الرحمن الصافي

حالة من الحزن خيمت على الأهالي في محافظة قنا، لا سيما الأطباء منهم، بعد وفاة الدكتور علي أحمد سيد، المدرس بقسم العظام بكلية الطب بقنا.

ونعت مستشفيات قنا الجامعية، وفاة الطبيب علي أحمد سيد، وجاء في نعيها: “عزاء مستشفيات قنا الجامعية
أسرة مستشفيات قنا الجامعية ينعون بمزيد من الحزن والأسى وفاة السيد الاستاذ الدكتور/ علي احمد سيد المدرس بقسم العظام بكلية الطب بقنا ونسأل الله للفقيد الرحمة وللأسرة خالص العزاء”.

وفي الـ28 من شهر أبريل الماضي، قبل شهر من الآن، نشر الطبيب المتوفى نعيا لزميله الدكتور محمد عبد الناصر، متحدثا عن أخلاقه وسيرته الطيبة، جاء فيه: “يتوالى فقد الأحبه. فى حوادث الصحراوى . د.محمد عبد الناصر ..يكفيه شهادات الناس الكتيره ( لك أن ترى ذلك على صفحته ) و سيرته الطيبه فى طاعه الله و فى فعل الخير -المخفي- .. لا شك عندى انه مقبول عند الله بإذنه تعالى … ربنا يرحمه و يربط على قلوب ذويه … كل ما يتجدد فقد حد لسه شباب ..يتجدد التفكير ف اطفاله الصغار – و فى ان الكويسين بيمشوا بسرعه”.

وتابع الطبيب علي سيد: “خلال الفتره القليله اللى فاتت ..الواحد فقد مجموعه كبيره من الزملاء و الاقارب –كلهم فى سن صغير و أغلبهم فى حوادث او موت مفاجئ ..الموضوع صعب خصوصا ان مش كل الناس بتقدر تتجاوز الموضوع و مجرد بوست ع الفيس و ينسى .. بعض الناس الدنيا فعلا بتضيق و تصغر ف عينيهم و مبيبقوش قادرين يتكلموا مع حد , وبعض الناس مبتتفهمش ده و خصوصا – من غلاظ القلوب او خلينا نقول — اللى قلوبهم قويه ..
ربنا يرحمك يا د.محمد عبد الناصر و يرحم امواتنا و يلحقنا بهم على خير، و ربنا يربط على قلوب ابناءك”.

كما خيم الحزن على أهالي مركز منفلوط منفلوط، بأسيوط، حيث مسقط رأس الدكتور علي سيد أحمد، مشيدين بأخلاقه وطيبته، متقدمين له بالدعوات ولأهله بالصبر والسلوان.